Punonjësit e Albpetrol sh.a në ndihmë të banorëve të zonave të përmbytura

IMG-20150207-WA0001

Punonjësit e shoqërisë Albpetrol sh.a janë solidarizuar me banorët e zonave të përmbytura nga reshjet e shirave në qarkun e Fierit duke dhuruar ushqime dhe veshmbathje kundër ujit. Të gjithë punonjësit e shoqërisë Albpetrol sh.a, në mënyrë unanime, kanë dhuruar para nga të ardhurat e tyre për të ndihmuar banorët e zonave të përmbytura në qarkun e Fierit. Përmes këtij aksioni janë grumbulluar më shumë se 2.500.000 lekë të reja.

Një përfaqësi e shoqërisë Albpetrol sh.a ka marrë kontakt me banorët e zonave të përmbytura dhe përfaqësuesit e pushtetit lokal, të cilët kanë kërkuar që ndihmat të jenë kryesisht ushqime dhe veshmbathje kundër ujit. Gjithsej banorët e zonave të përmbytura kanë marrë 50 Ton ushqime dhe veshmbathje kundër ujit, të cilat janë dhuruar nga punonjësit e Albpetrol sh.a.